Կլիմայի փոփոխության մեղմում և կենսաբազմազանության պահպանում
Կանանց կողմից առաջարկվող կամ առաջնորդվող լուծումներ՝ կլիմայի փոփոխության մեղմման, կենսաբազմազանության, բնական էկոհամակարգերի և բնական ռեսուրսների պահպանության կամ վերականգնման համար։
«ԿԱՆԱՅՔ ԿԼԻՄԱՅՈՒՄ» ՄՐՑԱՆԱԿԱԲԱՇԽՈՒԹՅՈՒՆ
COP17 հատուկ թողարկում
Կանայք՝ կլիմայի և կենսաբազմազանության լուծումների առաջատարներ
Մրցանակաբաշխությունը ճանաչում, խրախուսում և տեսանելի է դարձնում կանանց առաջնորդությունն ու ներդրումը կլիմայի փոփոխության և կենսաբազմազանության պահպանության ոլորտներում իրականացվող գործողություններում և լուծումներում։
COP17 Special Edition
Մրցանակաբաշխության մասին
Հայաստանում 2022 և 2024 թվականներին կազմակերպված մրցանակաբաշխությունները ձևավորել են կանանց ներդրումը ճանաչելու, հաջողված լուծումները հանրայնացնելու և կանանց առաջնորդությունը խրախուսելու հարթակ։ Յուրաքանչյուր փուլում ստացվել է շուրջ 100–150 հայտ և առաջադրում՝ տարբեր ոլորտներից և Հայաստանի տարբեր համայնքներից։
COP17 հատուկ թողարկումը զարգացնում է այդ փորձը՝ կլիմայի փոփոխության և կենսաբազմազանության փոխկապակցվածության համատեքստում։ COP17-ը Երևանում անցկացվելու է 2026 թվականի հոկտեմբերի 19–30-ը։
Հատուկ թողարկման առանցքային մոտեցումն է՝ «ճանաչումից դեպի լուծումների առաջմղում»։ Հաղթողները հնարավորություն կունենան COP17-ի շրջանակում ներկայացնելու իրենց փորձը, լուծումները և դրանց ընդլայնման ներուժը։
2022 • 2024նախորդ մրցանակաբաշխություններ
100–150հայտ և առաջադրում յուրաքանչյուր փուլում
7 + 1յոթ հիմնական անվանակարգ և մեկ հատուկ ճանաչում
COP17ազգային փորձը՝ միջազգային լսարանին
7 + 1
Մրցանակաբաշխության անվանակարգերը
Յոթ հիմնական թեմատիկ ուղղություններ՝ COP17 հատուկ թողարկման շրջանակին համապատասխանեցված նկարագրություններով, ինչպես նաև մեկ հատուկ ճանաչում։
Կլիմայի փոփոխության հարմարվողականություն և էկոհամակարգերի դիմակայունություն
Լուծումներ՝ ուղղված մարդկանց, համայնքների, տնտեսության և/կամ էկոհամակարգերի դիմակայունության բարձրացմանը։ Խրախուսվում են բնության և էկոհամակարգերի վրա հիմնված մոտեցումները։
Համայնքային գործողություններ և քաղաքականություն
Համայնքային նախաձեռնություններ, մասնակցային գործընթացներ, կառավարման կամ քաղաքականության լուծումներ՝ կլիմայական և/կամ կենսաբազմազանության խնդիրների հասցեագրման համար։
Կլիմայի և կենսաբազմազանության խնդիրների ու լուծումների լուսաբանում
Լրագրողների, հաղորդակցության մասնագետների, բովանդակություն ստեղծողների և այլ մասնագետների աշխատանքներ, որոնք բարձրացնում են հանրային իրազեկվածությունն ու մասնակցությունը։
Կլիմայի և կենսաբազմազանության կրթություն բոլորի համար
Կրթական ծրագրեր, մեթոդաբանություններ և նախաձեռնություններ՝ կլիմայի, բնության և կենսաբազմազանության վերաբերյալ գիտելիք, կարողություններ և գործնական գործողություններ ձևավորելու համար։
Կլիմայական և բնապահպանական ֆինանսավորման ու նորարարության լուծումներ
Ֆինանսական, տեխնոլոգիական, ձեռնարկատիրական, թվային կամ այլ նորարարական լուծումներ՝ կլիմայական գործողությունների և/կամ կենսաբազմազանության պահպանության համար։
Երիտասարդները կլիմայական և բնապահպանական գործողություններում
Երիտասարդ կանանց և աղջիկների կողմից առաջնորդվող նախաձեռնություններ՝ կլիմայական գործողությունների, բնության ու կենսաբազմազանության պահպանության, կրթության կամ նորարարության ոլորտներում։
Հատուկ ճանաչում՝ կանանց կլիմայական և կենսաբազմազանության առաջնորդության աջակից տղամարդու համար
Պատվավոր հատուկ ճանաչում կարող է շնորհվել տղամարդու, որը շարունակական և նշանակալի աջակցություն է ցուցաբերել կանանց մասնակցությանը, առաջնորդությանը և մասնագիտական առաջխաղացմանը։ Ինքնաառաջադրում չի ընդունվում, և հատուկ ճանաչումը չի ներառում յոթ հիմնական անվանակարգերի համար նախատեսված դրամական մրցանակը։
Applications
Ո՞վ կարող է մասնակցել
Հայտերն ընդունվում են ինքնաառաջադրմամբ կամ այլ կազմակերպության կամ կառույցի կողմից առաջադրմամբ։
- Ինքնաառաջադրվել կարող են տարբեր ոլորտներում աշխատող կամ գործունեություն իրականացնող կանայք։
- Թեկնածուն պետք է ունենա ներկայացվող լուծման մշակման, իրականացման, ղեկավարման կամ առաջմղման գործում հստակ և հիմնավորելի դերակատարում։
- Թեկնածուներ կարող են առաջադրել պետական և տեղական կառավարման մարմինները, հասարակական և միջազգային կազմակերպությունները, գիտական ու կրթական հաստատությունները, մասնավոր ընկերությունները, մասնագիտական միավորումները և այլ կառույցներ։
- Կազմակերպությունը կարող է առաջադրել մեկից ավելի թեկնածու կամ լուծում, իսկ մեկ լուծումը կարող է ներկայացվել առավելագույնը երկու անվանակարգում, եթե համապատասխանում է երկու անվանակարգերի չափորոշիչներին։
- Ինքնաառաջադրման դեպքում անհրաժեշտ է ներկայացնել առնվազն մեկ երաշխավորագիր։
- Ընդունվում են վերջին երեք տարիների ընթացքում իրականացված կամ շարունակվող այն լուծումները, որոնք արդեն ունեն ներկայացման և գնահատման ենթակա արդյունքներ։
Հատուկ ճանաչման համար տղամարդ թեկնածուն կարող է առաջադրվել կանանց, կազմակերպությունների, հաստատությունների կամ մասնագիտական գործընկերների կողմից։ Ինքնաառաջադրում չի ընդունվում։
Առաջադրել թեկնածու →2026
Հիմնական ժամանակացույց
Հայտերի ընդունման վերջնաժամկետը երկարաձգվել է մինչև 2026 թվականի հոկտեմբերի 2-ը։
8 սեպտեմբերի 2026
Հայտերի ընդունման մեկնարկ
15 սեպտեմբերի 2026 • 15:00
Տեղեկատվական և հարցուպատասխանի առցանց հանդիպումԵրևանի ժամանակով (UTC+4)Միանալ Zoom հանդիպմանը ↗
22 սեպտեմբերի 2026 • 15:00
Տեղեկատվական և հարցուպատասխանի առցանց հանդիպումԵրևանի ժամանակով (UTC+4)Միանալ Zoom հանդիպմանը ↗
30 սեպտեմբերի 2026
Հայտերի ընդունման վերջնաժամկետ
2 հոկտեմբերի 2026
Հայտերի ընդունման երկարաձգված վերջնաժամկետ
23 հոկտեմբերի 2026
COP17 Կանաչ գոտում նախատեսվող մրցանակաբաշխությունԵրևան
27 հոկտեմբերի 2026
Հաղթողների մասնակցությամբ նախատեսվող թեմատիկ պանելային քննարկում
Zoom • Q&A
Տեղեկատվական առցանց հանդիպումներ
Հայտերի ընդունման ընթացքում կանցկացվեն երկու առցանց տեղեկատվական և հարցուպատասխանի հանդիպումներ՝ անվանակարգերի, մասնակցության պայմանների, գնահատման չափորոշիչների և հայտադիմումի լրացման վերաբերյալ պարզաբանումներ տրամադրելու համար։
Տեղեկատվական և հարցուպատասխանի առցանց հանդիպում
Երևանի ժամանակով (UTC+4)
Միանալ Zoom հանդիպմանը ↗Տեղեկատվական և հարցուպատասխանի առցանց հանդիպում
Երևանի ժամանակով (UTC+4)
Միանալ Zoom հանդիպմանը ↗COP17 Special Edition
Ճանաչումից դեպի լուծումների առաջմղում
Յոթ հիմնական անվանակարգերից յուրաքանչյուրի հաղթողին կտրամադրվի 300,000 ՀՀ դրամ մրցանակային գումար՝ ներառյալ կիրառելի հարկերը։ Մրցանակը նպատակ ունի նպաստել հաղթող լուծման հետագա զարգացմանը, տեսանելիությանը, կրկնօրինակմանը կամ ընդլայնմանը։ Հաղթողները նաև հնարավորություն կունենան COP17-ի շրջանակում ներկայացնելու իրենց փորձը, լուծումները և դրանց ընդլայնման ներուժը։
Յուրաքանչյուր հիմնական անվանակարգի հաղթողին300,000 ՀՀ դրամներառյալ կիրառելի հարկերը
Առաջնորդության ճանաչումն ու խրախուսումը նպաստում են ավելի դիմակայուն և առողջ ապագայի ձևավորմանը։
Ժյուրի
Մրցանակաբաշխության հայտերը կգնահատվեն ժյուրիի կողմից՝ միասնական չափորոշիչների և գնահատման համակարգի հիման վրա։ Ժյուրիի անդամների կազմը ներկայացվում է ստորև։
Ամելիա Արրեգուին Պրադո
Համակարգող
Կենսաբազմազանության մասին կոնվենցիայի կանանց խմբակցություն
Արտեմ Խարազյան
Ազգային փորձագետ Հայաստանում
«Քաղաքապետերի դաշնագիր՝ Արևելք»
Լաուրա Միլնե
Հայաստանի գրասենյակի տնօրեն
Ռաուլ Վալենբերգի մարդու իրավունքների և մարդասիրական իրավունքի ինստիտուտ
Օլգա Ազատյան
Ծրագրի մասնագետ
ՄԱԿ Կանայք հայաստանյան գրասենյակ
Նոնա Բուդոյան
Կլիմայական քաղաքականության վարչության պետ
ՀՀ շրջակա միջավայրի նախարարություն
Դոկտոր Դիանա Հարությունյան
Հայաստանում կլիմայի փոփոխության ծրագրի ավագ խորհրդական
ՄԱԿ-ի զարգացման ծրագիր (UNDP)
Վահան Ամիրխանյան
Գյուղատնտեսության հարցերով ազգային փորձագետ
ՄԱԿ-ի Պարենի և գյուղատնտեսության կազմակերպություն (FAO)
Բելլա Վասիլյան
Թումո լաբերի ղեկավար
Թումո լաբեր
Սիրանուշ Գալստյան
Խորհրդատու, «Կայուն էներգիա հանուն Հայաստանում կլիմայակայուն համայնքային զարգացման» (SE4Resilience) ծրագիր
Գերմանական միջազգային համագործակցության ընկերություն (GIZ)
Աստղինե Պասոյան
Տնօրեն
Էներգախնայողության աջակցման հիմնադրամ
Անի Սահակյան
Գենդերային քաղաքականության հիմնահարցերի վարչության գլխավոր մասնագետ
ՀՀ աշխատանքի և սոցիալական հարցերի նախարարություն
Թեկնածուներ
Թեկնածուների և ընտրված լուծումների վերաբերյալ տեղեկատվությունը կհրապարակվի մրցույթի համապատասխան փուլում։
COP17 Special Edition
Գործընկերներ
Միացեք նախաձեռնությանը և աջակցեք կանանց առաջնորդությանը, կլիմայական ու կենսաբազմազանության լուծումների տեսանելիությանը։
Դարձեք գործընկեր →Առաջատար գործընկեր
Գործընկեր
Աջակցող գործընկերներ
Women • Climate • Biodiversity • Solutions